ФЕДЕРАТСИЯИ ФУТБОЛИ ТОҶИКИСТОН БА Р. РАҲИМОВ ЯГОН ПЕШНИҲОД НАКАРДААСТ

                        Душанбе, 26 июн. (АМИТ «Ховар», Пайрав Назаров).-Воситаҳои ахбори оммавии Русия чанд рӯз пеш хабар доданд, ки футболбози машҳур, роҳбари дастаи футболбозони роҳиоҳанчиёни Русия Рашид Раҳимов рӯзҳои наздик роҳбари дастаи мунтахаби миллии футболбозони Тоҷикистон таъин карда мешавад. Вале аз Федератсияи футболи Тоҷикистон ба АМИТ «Ховар» хабар доданд, ки дар ин масъала ба Рашид Раҳимов ягон таклиф пешниҳод карда нашудааст.                        Воситаҳои ахбори оммавии Русия 25 июн хабар доданд, ки намояндагони Федератсияи футболи Тоҷикистон бо Р. Раҳимов дар тамос шуда, бо ӯ имкониятҳои имзо кардани қарордодро баррасӣ намудаанд. Роҳбарияти Федератсияи футболи Тоҷикистон ин хабарро рад намуда, зикр менамояд, ки дастаи мунтахаби футболи мамлакат дар давоми 4 соли охир ягон вазифаи ба зиммагирифтаашро иҷро карда натавонист.