ИНЪИКОСИ МАСОИЛИ ВАҲДАТУ ЯГОНАГӢ ДАР АФКОРИ ИМОМИ АЪЗАМ

                   Душанбе, 19 июн. (АМИТ «Ховар», Лутфия Эшонқулова).- Имрўз Вазорати фарҳанги Ҷумҳурии Тоҷикистон дар якҷоягӣ бо Китобхонаи миллии Тоҷикистон ба номи А. Фирдавсӣ, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Донишкадаи исломии Тоҷикистон ба номи Имоми Аъзам конфронси илмӣ дар мавзўи «Аҳамияти осори Имоми Аъзам дар худшиносии миллӣ»-ро дар Китобхонаи миллӣ доир мекунад.                    Дар кори конфронс меҳмонон ва намояндагони сохторҳои зикргардида иштирок намуда, дар мавзўҳои «Аҳамияти эълом доштани соли бузургдошти Имоми Аъзам дар тақвияти худшиносии миллӣ», «Аҳамияти ақидаҳои Имоми Аъзам дар раванди гуфтугўи тамаддунҳо», «Инъикоси масоили ваҳдату ягонагӣ дар афкори Имоми Аъзам» ва «Аҳамияти мероси Имоми Аъзам дар тарбияи маънавии ҷавонон» баромад хоҳанд кард.                    Бояд ёдрас шуд, ки Раёсати Китобхоани миллии ба номи А. Фирдавсӣ чунин конфронсҳоро пештар низ бо иштироки олимону профессорон, донишҷўёну намояндагони Дастгоҳи иҷроияи Президенти ҶТ баргузор карда буд.                   Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.