КЎМАКИ ИТТИҲОДИ АВРУПО БА ТОҶИКИСТОН

                       Душанбе, 19 июн. (АМИТ «Ховар», Наргис Бояхмедова).- Намояндаи муваққатии ваколатдори Комиссияи Аврупо дар Тоҷикистон Шарлот Адриан ба Вазорати молияи Ҷумҳурии Тоҷикистон дирӯз 139 компютер, ҳамин қадар дастгоҳи чопи лазерӣ ва асбобу анҷоми дигари зарурии барномасозӣ тӯҳфа намуд. Маблағи умумии кӯмак 150 ҳазор евро мебошад. Компютерҳо дар байни муассисаҳои молиявӣ тақсим карда мешаванд. Онҳо ба муассисаҳои маҳаллии хазинадорӣ имкон медиҳанд, ки ҳисоботи молиявиро ҳар рӯз ба муассисаи марказии хазинадории ҷумҳурӣ фиристанд.