МАҲФИЛИ ЗАБОНИ РУСӢ ДАР ХОРУҒ

                         ВМКБ, 26 июн. (АМИТ «Ховар», Л. Додо).- Чанде қабл, дар Донишгоҳи давлатии шаҳри Хоруғ маҳфили «Забони русӣ ва мо» баргузор гардид. Маҳфил бо ибтикори Бунёди рӯшди русиягии Пажӯҳишгоҳи Авруосиёӣ ва донишҷӯёни риштаи забони русии факултаи филологияи донишгоҳ рӯи кор омад. Дар маҳфил сухан аз муносибатҳои таърихӣ ва фарҳангии Русияву Тоҷикистон, аз ҷумла Бадахшон рафта, доир ба ин шеъру таронаҳо бо забонҳои тоҷикию русӣ аз ҷониби донишҷӯён садо дод.                          Устоди донишгоҳ Алигул Раҷаббеков баргузории чунин маҳфилро муносибати волои Тоҷикистону Русия арзёбӣ карда, қайд кард, ки дар тӯли чанд соли гузашта бо кӯмаки сафоратхонаи Русия дар Тоҷикистон ба ихтиёри донишҷӯёни Донишгоҳ теъдоди зиёди китобҳои дарсӣ ирсол гардиданд.                           Аҳмад Хуҷамов- донишҷӯи соли севвуми бахши русии ҳамин донишгоҳ баргузории чунин маҳфилро рушди малака, забондонӣ арзёбӣ кард.