МАРОСИМИ БОТАНТАНАИ ХАТМИ ТАҲСИЛ
Душанбе, 26 июн. (АМИТ «Ховар», Наталя Михайлова).- 25 июн дар Омӯзишгоҳи олии сарҳадии Кумитаи давлатии амнияти миллии ҷумҳурӣ ба муносибати хатми таҳсил ҷамъомади ботантана баргузор гардид. Имсол омӯзишгоҳи мазкурро 70 нафар хатм кард. Онҳо соҳиби унвони ҳарбии лейтенант ва дипломи маълумоти олии ҳарбӣ гардиданд. Акнун афсарони ҷавон барои хизмат ба посгоҳҳои сарҳадӣ, дастаҳои марзбон ва гузаргоҳҳои назоратии сарҳади мамлакат фиристода мешаванд. Хатмкунандагонро ба ин муносибат сардори Сарраёсати қушунҳои сарҳадӣ, генерал -майор Шералӣ Мирзо, сардори омӯзишгоҳ, генерал-майёр Оллодӯст Ғӯраев, роҳбарони Кумитаи давлатии амнияти миллӣ ва собиқадорони артиши сарҳадӣ табрик намуданд. Дар фарҷоми ҷамъомад расми гузашти низомӣ баргузор гардид. Мухбири АМИТ «Ховар» ёдовар мешавад, ки Донишкадаи олии сарҳадии ҷумҳурӣ мувофиқи қарори Ҳукумати мамлакат соли 2002 таъсис ёфта буд. Донишкада соли 2006 ба Омӯзишгоҳи олии сарҳадии Кумитаи давлатии амнияти миллӣ табдил дода шуд. Имрӯз дар ин ҷо мутахассисони маълумоти олидори соҳаи ҳифзи сарҳади давлатӣ тайёр карда мешаванд.
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
