МУҲОКИМАИ ИСЛОҲОТИ ТАНДУРУСТӢ ДАР ТОҶИКИСТОН

                    Душанбе, 19 июн. (АМИТ «Ховар», Ибодат Давлатова). — 30 июни соли ҷорӣ дар шаҳри Душанбе конференсия дар мавзӯъи «Ислоҳоти тандурустӣ дар Тоҷикистон» баргузор мегардад.                     Тавре ба мухбири АМИТ «Ховар» ҳамоҳангсоз бо ҷомеа ва васоити ахбори оммаи Лоиҳаи Бонки ҷаҳонӣ Лайлӣ Аҳмадова хабар дод, чорабинии мазкур бо дастгирии Вазорати тандурустии Ҷумҳурии Тоҷикистон ва Маркази татбиқи Лоиҳа оид ба тандурустии заминавӣ ва ҷамоавӣ гузаронида мешавад.                     Дар он донорҳо, шарикон, намояндагони вазоратҳои молия, иқтисод ва савдо, ҳифзи иҷтимоӣ ширкат хоҳанд кард.                     Дар он намояндагон оид ба идоракунии молиявии соҳаи тандурустӣ, маблағгузории сарикасӣ, воридсозии Барномаи Кафолатҳои давлатиро муҳокима мекунанд.