ШАҲРИ ХОРУҒ МУТОБИҚИ НАҚША АЗНАВСОЗӢ МЕШАВАД

                   Душанбе, 19 июн. (АМИТ «Ховар», Мавзуна Бойева).- Мутахассисони Агентии сохтмон ва меъмории назди Ҳукумати Ҷумҳурии Тоҷикистон дар ҳамкорӣ бо фонди Тоҷикистонии Оғохон таҳияи Нақшаи генералии шаҳри Хоруғро таҳия менамоянд. Тавре ба мухбири АМИТ «Ховар» муовини аввали директори Агентии сохтмон ва меъмори дар назди Ҳукумати ҶТ Мирзоҳисайн Султонов итилооъ дод, таҳияи нақшаи генералии маркази ноҳияи Шуғнон низ аз ҷониби Агентӣ ба ўҳда гирифта шуда, айни замон фармоиши иҷрои корҳои аксбардории топографӣ ва лоиҳакашӣ ба пажўҳишгоҳи лоиҳакашии «Гипрострой» супорида шуда, корҳои аксбардории маҳал идома доранд.                  Лоиҳаи хобгоҳи донишҷўёни Донишгоҳи давлатии шаҳри Хоруғ аз тарафи пажўҳишгоҳи ҶСШК «Гипрострой» тибқи фармоиши Маъмурияти сохтмони иншооти ҳукуматӣ пурра иҷро карда шуд.