ТОҶИКИСТОНУ ЛАТВИЯ АЗ АНДОЗБАНДИИ ДУКАРАТА КАНОРАГИРӢ МЕНАМОЯНД

                  Душанбе, 8 июн. (АМИТ «Ховар», Марзия Саидова).-Лоиҳаи Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи суди конститутсионии Ҷумҳурии Тоҷикистон», лоиҳаи Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2009», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи Гвардияи миллии Ҷумҳурии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи табъу нашр», Оид ба ворид намудани илова ба Кодекси ҳуқуқвайронкунии маъмурии Ҷумҳурии Точикистон» дар ҷаласаи Шӯрои Маҷлиси намояндагон, ки 8 июн таҳти раёсати Раиси палатаи поёнии парлумони мамлакат Сайдулло Хайруллоев баргузор шуд, баррасӣ гардиданд.                 Зимни муҳокимаи масъалаҳо раиси Кумитаи Маҷлиси намояндагон Абдураҳмон Азимов ва вакили Маҷлиси намояндагон Сафаралӣ Гулов зикр карданд, ки ҳадафи таҳияи лоиҳаи қонунҳои мазкур мувофиқ кунонидани онҳо ба талаботу меъёрҳои фазои қонунгузории кишвар аст.                Дар ҷаласа ҳамчунин, Созишнома байни Ҷумҳурии Тоҷикистон ва Ҷумҳурии Латвия оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя баррасӣ гардид.