ҚУРБИ МИЁНАИ АСЪОРҲОИ ХОРИҶӢ ПОЁН РАФТ

                  Душанбе, 4 июл. (АМИТ «Ховар», Бекназари Абӯбакр). — 3 июл қурби миёнаи хариду фурӯши асъорҳои хориҷӣ дар нуқтаҳои мубодилаи асъори шаҳри Душанбе паст шуд, ки дар натиҷа қурби миёнаи 1 доллари ИМА 4,4244 сомонӣ, 10 рубли русӣ 1,41 сомонӣ ва 1 евро 6,08 сомониро ташкил дод.                 Дар бозори байнибонкӣ ва дохилибонкӣ бошад, аксари амалиётҳо бо доллари ИМА бо қурби аз 4,40 то 4,42 сомонӣ сурат гирифта, нишондиҳандаи миёнаи қарордодҳои басташудаи он ба 4,4190 сомонӣ баробар шуд. Вобаста ба ин, қурби расмӣ аз 4,4005 то 4,4003 сомонӣ поин рафт.