ҲАЗРАТИ СУЛТОН ОБОДУ РОҲҲОИ ХОВАЛИНГ ХАРОБ

                   Душанбе, 13 июл. (АМИТ «Ховар», Лаззат Диловарзод).- Ховалингро минтақаи туризм эълон кардан ҳоҷат надорад, зеро манзараҳои нотакрори он хоҳ — нохоҳ ҳар як сайёҳро барои тамошо ба ин минтақаи афсонавӣ ҷалб мекунад,- мегӯянд сокинони ин диёр.Бо ташаббуси чанд нафар ватанхоҳони асил, яке аз ҷойҳои муқаддаси он мазори Ҳазрати Султон бо усули қадима бунёд карда шуд. Бо кӯмаки устоҳои чирадасти суғдӣ зиёратгоҳ зебу оро дода шуд.                   Тобистони соли ҷорӣ даҳҳо ихлосмандон аз гӯшаҳои Тоҷикистон ва кишварҳои ҳамсоя ба зиёрати Пири тариқат- Ҳазрати Султони Увайси Қаранӣ омада аз чашмаҳои он бо ният об нӯши ҷон карданд.                   Ба гуфти сокинони ин ҷо агар ҳукумати вилояти Хатлон ва Вазорати нақлиёт ва коммуникатсия ғами роҳи харобгаштаи ин гӯшаи биҳиштосоро андаке мехӯрданд ба буҷаи ҳокимияти маҳаллии ноҳияи Ховалинг аз ҳисоби сайёҳони ватанхоҳ садҳо ҳазор сомонӣ ворид мешуд.