АНДЕШАҲО АТРОФИ ПУЛУ ПАСАНДОЗҲО

             Душанбе, 15 июл. (АМИТ «Ховар», Лаззат Диловарзод).- Сарони давлатҳои Иттиҳоди Аврупо дар нишасти навбатии худ ба хулосае омаданд, ки пули ягонаро ба муомилот бароранд. Ин пешниход мардумро ба андешаҳои гуногун овардааст, ки онҳо пулашонро чӣ тавр бояд нигоҳ доранд?             Бисёр сокинони ҷумҳурӣ аз нобоварӣ ба системаи бонкӣ дар андешаи онанд, ки беҳтар аст пулҳояшонро аз бонк гирифта дар кӯзаю болишт нигоҳ доранд.             Иқтисоддонҳо маслиҳат медиҳанд, ки мардум тавре пулашонро нигоҳ доранд, ки аз он дар оянда самаранок истифода бурда тавонанд. Назариявӣ дар бонк нигоҳ доштани пул беҳтар аст, -мегӯянд бархе аз корафтодагон, зеро он фоизи муайян фоида оварда метавонад.             Коршиносон маслиҳат медиҳанд, ки пулро бо чанд намуд асъори хориҷӣ нигоҳ доштан манфиаташ бештар аст. Пули пасандозро ҳамчунин бо металҳои қиматбаҳо иваз кардан ба манфиати кор аст.              Онҳое, ки маблағи пасандоз надоранд, умуман дар бораи нигоҳдории пул ҳеҷ андешае ҳам накардаанд ва дар ғами онанд, ки барои хӯроки шом чӣ чизи сабуктареро тановул кунанд.