АЗ ҲИСОБИ ИНВЕСТИТСИЯ НЕРӮГОҲҲОИ НАВ МЕСОЗАНД

            Душанбе, 15 июл. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар моҳҳои январ – майи соли 2009 Муассисаи давлатии «Маркази идораи лоиҳаҳои бахши электроэнергетика» бештари инвеститсияро истифода кардааст.            Муассисаи мазкур инвеститсияи сармояи асосиро ба маблағи 122050,1 ҳазор сомонӣ асосан барои барқарорсозӣ ва сохтмони хатҳои интиқоли барқ ва сохтмони нерӯгоҳҳои барқии обии «Тоҷ»-205,3 ҳазор сомонӣ, «Шашболоӣ»-54,3, «Сангикар»-97,2, «Фатҳобод»-163,1, «Питовкӯл» 419, 5 «Ҳорма»-54,4 ва «Марзич»-2484,0 ҳазор сомонӣ истифода кардааст.