БОЗ ЯК ҲАМКОРИИ СУДМАНДИ ИҚТИСОДИИ ТОҶИКИСТОНУ ЭРОН

                    Душанбе, 3 июл. (АМИТ «Ховар», Жасмин Назарова). — Соли ҷорӣ дар ҷашни ваҳдати миллӣ боз як иншооти саноатӣ «Некӯ — Хуҷанд» мавриди истифода қарор гирифт. Боиси тазаккур аст, ки корхонаи мазкур дар масоҳати 7 400 метри мураббаъ сохта шуда, аз сехҳои ҳаллоҷӣ, пилтаресӣ, ресандагӣ, ҷойҳои ҳавокашҳо, ошхона ва ҷои истироҳати коргарон иборат аст.                     Бино ба иттилои директори корхонаи ресандагии «Некӯ — Хуҷанд» Исмоил Қаландаров корхонаи мазкур аз тарафи ширкати сохтмонии рақами 119 "Хуҷандсохтмон" ва ширкати "Бинокор" сохта шуд. Сохтмони корхонаи зикршуда ба маблағи 10 млн. 200 сомониро ташкил дод.                    Корхонаи ресандагии "Неку-Хуҷанд" бо технологияи муосири ширкатҳои "Hollingsworth" ва "Toyota" таҷҳизонида шуд.                    Корхонаи мазкур натиҷаи ҳамкориҳои мутақобилан судманди иқтисодии ширкатҳои «Хуҷанд — Инвест — Коттон» ва «Некӯ»-и Ҷумҳурии Исломии Эрон мебошад.                    Бино ба гуфти И. Қаландаров, ин корхона дар давоми як сол имконияти коркарди дуюним ҳазор тонна нахи пахтаро дошта, дорои 170 ҷои кори доимӣ мебошад.