ДАР ҶУМҲУРӢ 1595 ҲОДИСАИ СИРОЯТИ ВИЧ

               Душанбе, 27 июл. (АМИТ «Ховар», Ибодат Давлатова). — Тайи 18 соли охир дар ҷумҳурӣ 1595 ҳодисаи сирояти ВИЧ ба қайд гирифта шудааст, ки аз онҳо 170 нафар фавтидаанд.               Бино ба маълумоти Вазорати тандурустии Ҷумҳурии Тоҷикистон аз ҳисоби бақайдгирифтагони беморони ВИЧ 1285 ҳодиса дар байни мардон ва 310 ҳодиса дар байни занон қайд шудаанд.               Аз рӯи роҳҳои гузариши сирояти ВИЧ 56% ё 876 ҳодиса бо роҳи тазриқӣ, 26,5% ё 423 ҳодиса бо роҳи алоқаи ҷинсӣ, дар 16,7% ё 265 маврид роҳҳои номаълум ва 0,8% ё 13 ҳодиса аз модар ба кӯдак сироят ёфтаанд. Аз байни сироятшудагон 180 нафарашон муҳоҷирони меҳнатӣ мебошад, ки ин 11,3%-ро ташкил медиҳад.