ДАР БАДАХШОН 17 НАФАР ХУДКУШӢ КАРДАНД

                   Хоруғ, 24 июл. (АМИТ «Ховар», Л. Додо). — Теъдоди ҳодисаҳои сӯиқасд ба ҷони худ дар нимсолаи якуми соли ҷорӣ се баробар афзудааст. Тавре муфаттиш оид ба корҳои махсусан муҳими прокуратураи ВМКБ Ҳайдар Ҳайбаров иттилоъ дод, дар ин муддат дар қаламрави вилоят 17 ҳодисаи худкушӣ ва талоши худкушӣ ба қайд гирифта шудааст, ки ин нисбат ба ҳамин давраи соли гузашта 13 нафар зиёдтар аст. Аз ҷумла 13 нафар мард ва 4 нафар зан даст ба худкушӣ заданд. Ба гуфтаи муфаттиш аз рӯи ҳамаи 17 ҳодиса парвандаҳои ҷиноятӣ кушода шудаанд, вале хешу табори ҳамаи фавтидагон аз ҳамкорӣ бо муфаттишон даст кашидаанд. Ҳайбаров ҳамчунин иброз дошт, ки тибқи хулосаи муфаттишон се худкушӣ аз тарафи ашхоси рӯҳан бемор, 3 ҳодиса дар ҳолатҳое, ки шароити иқтисодиашон хело паст, 5 ҳодиса ҳангоми муқовиматҳои оилавӣ руҳдода, 1 ҳодисаи худкушӣ аз тарафи майзада ба қайд гирифта шудааст.                   Сабабҳои ба худкушӣ даст задани 5 нафари дигар номаълум аст, иброз дошт Ҳ. Ҳайдаров.