Э. РАҲМОН:-«РУШДИ ИҚТИСОДӢ ОМИЛИ СУБОТИ АФҒОНИСТОН АСТ»
Нимаи дуюми рӯз Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Исломии Афғонистон Ҳомид Карзай, ки ба шаҳри Душанбе баҳри анҷом додани мулоқотҳои дуҷониба, сеҷониба ва чорҷониба бо сарони Тоҷикистону Покистону Русия ташриф овардааст, мулоқот намуд. Дар мулоқот масоили ҳамкории гуногунчанбаи Тоҷикситону Афғонистон баррасӣ шуд. Сарони ду давлат аз пайвастагӣ ва мазмуну муҳтавои робитаҳои сиёсӣ, иқтисодию тиҷоратӣ ва фарҳангӣ изҳори қаноатмандӣ карда, ҳамгироиҳои амниятии сохторҳои дахлдори ду кишварро дорои дурнамои умедбахш арзёбӣ намуданд. Сӯҳбати сарони Тоҷикистону Афғонистон нахуст дар мулоқоти як ба як сипас дар музокироти васеъ бо иштироки ҳайатҳои ду ҷониб ҷараён гирифт. Сарвари давлати Тоҷикистон Эмомалӣ Раҳмон изҳори боварӣ намуд, ки интихоботи пешомади Раиси ҷумҳури Афғонистон ва натиҷаҳои он ба таҳкими минбаъдаи амнияту субот ва рушди иқтисодиёти ин кишвари азияткашида мусоидат мекунад. Ба андешаи Эмомалӣ Раҳмон, таъмини рушди иҷтимоию иқтисодӣ роҳи асосӣ ва бешубҳаи таҳкими субот дар Афғонистон аст. Аз ин хотир, сарони ду давлат ба таҳким ва густариши ҳамкории гуногунҷанбаи иқтисодӣ бо фарогирии тамоми кишварҳои манфиатдори минтақа омодагии худро таъкид намуданд. Сохтмони нерӯгоҳҳои обии барқӣ, хатҳои интиқоли нерӯи барқ ва роҳҳои оҳану мошингарди пайвасткунандаи Осиёи Марказӣ бо Осиёи Ҷанубӣ ба манзури болобарии иқтидори содиротӣ ва транзитии ду кишвар аз самтҳои афзалиятноки ҳамкории иқтисодии Тоҷикистону Афғонистон маънидод гардид. Баъди анҷоми мулоқоту гуфтушунидҳо миёни Точикистону Афғонистон якчанд санади нави ҳамкорӣ низ ба имзо расид: Протокол миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Афғонистон дар бораи ворид намудани тағйирот ба Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Афғонистон оид ба нуқтаҳои гузаргоҳи Сарҳади давлатӣ аз 27 — уми апрели соли 2005; Ёддошти тафоҳум байни Вазорати кишоварзии Ҷумҳурии Тоҷикистон ва Вазорати кишоварзӣ, хоҷагии об ва чорводории Ҷумҳурии Исломии Афғонистон дар бораи ҳамкорӣ баҳри гузарондани чорабиниҳои зидди малах ва ҳашароти зараррасони дигари махсус хавфнок ва касалиҳои растанӣ; Дар ин бора ба АМИТ «Ховар» аз Хадамоти матбуоти ПРезиденти Ҷумҳурии Тоҷикистон иттилоъ доданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
