ФАБРИКАИ ПАРАНДАПАРВАРӢ ДАР ДЕҲА

                    Бадахшон, 30 июл. (АМИТ «Ховар», Л. Додо).- Дар нишасти матбуотӣ бо иштироки рӯзноманигорони дохиливу бурунмарзӣ раиси ноҳияи Шуғнон Шодихон Ҷамшедов иттилоъ дод, ки дар шаш моҳи соли ҷорӣ ноҳия нақшаи андозро 109 дар сад иҷро намуд. Дар мавзеъҳои Медонаки ҷамоати Поршинев ва Сижди ҷамоати Навобод 10 гектари замини бекорхобида мавриди истифодабарӣ қарор дода шуда, 4 гектар боғ, 17 гектар ҷангалзор бунёд гардид. Нисбати ҳамин давраи соли гузашта 352 сентнер гӯшт, 3496 сентнер шир зиёдтар истеҳсол карда шуд. Истеҳсоли маҳсулоти кишоварзӣ нисбат ба ҳамин давраи соли 2008 1 миллиону 609 ҳазор сомонӣ бештар аст. Бунёди иншооти хурду бузург дар ноҳия идома дорад, аз ҷумла фабрикаи мурғпарварии деҳаи Бунӣ барои 5 ҳазор мурғ пешбинӣ шудааст.