КОРМАНДОНИ ТВ «САФИНА» БА МАСКАВ МЕРАВАНД

                         Душанбе, 7 июл. (АМИТ «Ховар», Лутфия Эшонқулова).- Қисми якуми филми телевизионии «Кӯҳистонӣ» ба анҷом расид. Дар ин бора 6 июл дар нишасти матбуотӣ директори Телевизиони «Сафина» Маҳмадсаид Пиров хабар дод. Ба қавли ӯ қисми дуюми филм дар Русия ба навор гирифта мешавад.                         М. Пиров қайд кард, ки кормандони ТВ «Сафина» бори аввал ҳамроҳи коргардонони русия филм ба навор мегиранд. 8 июл гурӯҳи эҷодии Телевизиони «Сафина» ба Маскав меравад. Барои ба наворгирии қисми дуюм 100 ҳазор доллари ИМА ҷудо карда шуд.                         Коргардони филм Юнус Юсупов буда, нақшҳои асосии онро ҳунарпешагони тоҷик иҷро мекунанд.