МАҶЛИСИ ШЎРОИ ҶАВОНОНИ ИДМ ДАР ДУШАНБЕ
Душанбе, 3 июл. (АМИТ «Ховар», Ибодат Давлатова).- Имрӯз дар Маҷмааи давлатии «Кохи Ваҳдат» маҷлиси навбатии Шӯрои масъалаҳои ҷавонони давлатҳои ИДМ оғоз гардид. Тавре раиси Кумитаи кор бо ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов зикр кард, маҷлиси навбатии Шӯро дар чаҳорчӯбаи соли ҷавонони ИДМ гузаронида шуда, дар он масъалаҳои муҳим баррасӣ мегарданд. Инчунин дар маҷлис лоиҳаи барномаи стратегии ҳамкории байналхалқии созмонҳои ҷавонони давлатҳои ИДМ муҳокима мешавад, ки онро вазорати маорифи Белорусия таҳия ва пешниҳод намудааст. Ҳадафи барнома баланд бардоштани рӯҳияи худшиносии миллию шаҳрвандии ҷавонон, тарғибу ташвиқи принсипҳои таҳаммулпазирӣ, афзун гардондани фаъолияти зеҳнӣ, эҷодӣ ва варзишии ҷавонон мебошад. Амалӣ намудани барнома ба ҷавонон имкон медиҳад, ки дар ҳаёти иҷтимоию иқтисодӣ, сиёсӣ ва фарҳангии ҷомеа фаъолонатар ширкат варзанд. Иштирокчиёни маҷлис ҳамзамон масъалаҳои дастгирии ҷавонон дар давраи бӯҳрони ҷаҳонии молиявию иқтисодӣ, ҷараёни иҷрои нақшаи тадбирҳои афзалиятноки ҳамкории гуманитарии давлатҳои ИДМ ва амсоли инҳоро мавриди баррасӣ қарор медиҳанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
