МУЛОҚОТИ Э. РАҲМОН БО МИРОСЛАВ ЕНЧАРО

                   Президенти Ҷумҳурии Тоҷикистон Эмомалӣ Раҳмон мудири Маркази минтақавии Созмони Милали Муттаҳид оид ба дипломатияи пешгирикунанда Мирослав Енчаро ба ҳузур пазируфт.                  Дар мулоқот масоили вобаста ба рушди ҳамкорӣ миёни кишварҳои Осиёи Марказӣ ва бартараф намудани монеаҳои сунъии мавҷуда дар роҳи транзити озоди молу маҳсулот, одамон ва хизматрасониҳо баррасӣ шуд.                 Дарёфти роҳи ҳалли масъалаҳои баҳсталаб, аз ҷумла истифодаи оқилона захираҳои обу энергетикаи минтақа аз мавзӯъҳои асосии сӯҳбат буд.                  Мирослав Енча ба мавқеи созандаи Тоҷикистон баҳри рушди ҳамкориҳои минтақавӣ баҳои баланд дод.                 Дар мулоқот ҳамчунин оид ба вазъи кунунии Афғонистон ва таъсири он ба кишварҳои минтақа гуфтугӯ сурат гирифт.                  Дар ин бора ба АМИТ «Ховар» аз Хадамоти матбуоти ПрезидентиҶумҳурии Тоҷикистон иттилоъ доданд.