ОСОРХОНАИ МИЛЛИИ БА НОМИ БЕҲЗОД БА БИНОИ НАВ МЕКӮЧАД

                  Душанбе, 17 июл. (АМИТ «Ховар», Лутфия Эшонқулова).- Дар Душанбе, бинои нави Осорхононаи миллии ба номи К. Беҳзод сохта мешавад. Дар ин бора ба мухбири АМИТ «Ховар» дар Вазорати фарҳанги ҶТ хабар доданд. Бинои нав дар қисмати шимолии Қасри миллат дар ҳудауди бозори «Баракат» ҷой мегирад.                 Сардори раёсати сиёсат дар соҳаи меъморӣ ва шаҳрсозии Агентии сохтмон ва меъмории назди Ҳукумати Тоҷикистон Баҳром Иззатов иттилоъ дод, ки аллакай 7 лоиҳаи ангорӣ барои сохтмони бинои осорхона ба Ҳукумати ҶТ пешниҳод шудааст. 6 лоиҳаро пажӯҳишгоҳи лоиҳакашии сохторҳои агентӣ таҳия намуда, 1- тои он аз тарафи лоиҳакашони Фаронса пешниҳод шудааст. Б. Иззатов илова намуд, ки баъди интихоб намудани лоиҳаи беҳтарин, сохтмони ин бинои фарҳангӣ оғоз меёбад.