ОЗМУН БАХШИДА БА СОЛИ БУЗУРГДОШТИ ИМОМИ АЪЗАМ

                    Душанбе, 20 июл. (АМИТ «Ховар», Ибодат Давлатова). — Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бахшида ба Соли бузургдошти Имоми Аъзам дар мавзӯи «Унсурҳои саломатӣ аз нигоҳи Имоми Аъзам» озмуни маҳфили ҳозирҷавобонро дар се давра — ноҳиявӣ, минтақавӣ ва ҷумҳуриявӣ доир намуд.                    Тавре аз маркази матбуоти Кумитаи мазкур иттилооъ доданд, дар озмун дастаҳо аз ВМКБ, вилояти Суғд, шаҳри Турсунзода, ноҳияҳои Дарвоз, Тоҷикобод, Ҳамадонии вилояти Хатлон, Хуросон иштирок доштанд.                    Озмун аз панҷ шарт саломнома, тақлид, саҳначаи бадеӣ, барномаи мусиқӣ, саволу ҷавоб иборат буд.                      Бо ризогии ҳакамон дастаи ноҳияи Ҳамадонӣ ҷои аввал, дастаи шаҳри Турсунзода ҷои дуюм, ноҳияи Тоҷикобод ҷои сеюмро ишғол намуданд.                      Ғолибони озмун аз тарафи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон мукофонида шуданд.