ШАРТНОМАҲОИ КОЛЛЕКТИВӢ ИҶРО НАМЕГАРДАНД

                  Душанбе, 3 июл. (АМИТ «Ховар», Лаззат Диловарзод).- Аз ҷониби Хадамоти давлатии назорат дар соҳаи меҳнат, шуғл ва ҳифзи иҷтимоии аҳолӣ дар 38 корхонаю муассисаҳо ҳуқуқвайронкуниҳои меҳнатию иҷтимоӣ дар фаъолияти субъектҳои хоҷагидорӣ ошкор карда шуд. Аз ҷумла, дар Донишгоҳи аграрии Тоҷикистон, Раёсати сохтмони асосии шаҳри Душанбе, Корхонаи воҳиди давлатии «Тоҷикгаз», Корхонаи воҳиди давлатии мусофиркашонии «Роҳи оҳани Тоҷикистон», ҶДММ «Чжунда» ва боз даҳҳо муассисаю корхонаҳо шартҳои шартномаҳои коллективии ба имзо расидаро иҷро накарданд. Коргарон бошанд, бо ин васила аз кафолатҳои иловагии меҳнатӣ бенасиб гардиданд.                 Дар 44 корхонаву ташкилот шартномаҳои коллективӣ хусусияти қолабию рӯякӣ дошта, дар мақомоти меҳнат ба қайд гирифта нашудаанд.