ТАЙЁРӢ БА 100-СОЛАГИИ М. ТУРСУНЗОДА

                Душанбе, 27 июл. (АМИТ «Ховар», Лутфия Эшонқулова).- Соли 2011 дар Тоҷикистон 100- солагии шоири машҳур, арбоби барҷастаи сиёсӣ ва фарҳангии даврони шӯравӣ, шоири халқӣ ва Қаҳрамони Тоҷикистон Мирзо Турсунзода ҷашн гирифта мешавад. Бо ин мақсад дар Донишкадаи санъати Тоҷикистон ба номи М. Турсунзода нақшаи махсуси тайёрӣ ба ин санаи муҳим тартиб дода шуда, таҳти роҳбарии ректори донишкада Аслиддин Низомов амалӣ карда мешавад.                А. Низомов ба мухбири АМИТ «Ховар» хабар дод, ки бахшида ба ин ҷашн барномаи махсус таҳия намуда, дар доираи он консертҳо, шабнишиниҳо, мулоқоту сӯҳбатҳо, маҳфилҳои турсунзодахонӣ ва намоишгоҳи китобӣ ташкил карда мешаванд. Ҳамчунин аз тарафи донишҷӯён таҳия намудани як намоишнома дар бораи ҳаёт ва фаъолияти шоир дар назар аст.