ТАЛАБАГОНИ БЕҲТАРИН СОҲИБИ МЕДАЛИ ТИЛЛО МЕГАРДАНД

                          Душанбе, 15 июл. (АМИТ «Ховар», Людмила Дубинина). — Вазири маорифи Ҷумҳурии Тоҷикистон Абдуҷаббор Раҳмонов дирӯз дар бораи мукофотонидани хатмкунандагони беҳтарини мактабҳои таҳсилоти ҳамагонии мамлакат бо медалҳои тилло ва нуқра фармон имзо намуд. Тибқи фармони вазир 10 нафар талабаи беҳтарин бо медали тилло ва 30 нафари дигар бо медали нуқра мукофотонида мешавад. Талабагоне, ки ба гирифтани медалҳо пешбарӣ карда шуда буданд, 4 ва 5 июл дар озмуни ҷумҳуриявӣ ширкат варзиданд. Ҳайати доварон ҳуҷҷатҳои пешниҳодшударо баррасӣ намуда, бо ҳар талаба алоҳида сӯҳбат кард.                         Талабагоне, ки дар олимпиадаҳои байналхалқӣ ҷойҳои аввалро ишғол намудаанд, берун аз озмун медали тилло хоҳанд гирифт. Онҳо асосан аз Литсеи тоҷикию туркии ба номи Камоли Хуҷандӣ мебошанд.                         Барандагони медалҳои тилло метавонанд, бе спурдани имтиҳон ба мактабҳои олӣ қабул шаванд. Талабагоне, ки медали нуқра гирифтаанд, танҳо як имтиҳон супорида, аз сӯҳбати аъзои комиссияи қабул мегузаранд. Тарҷумон — Қудратов А.