ТАШРИФИ ПРЕЗИДЕНТИ ЛАТВИЯ БА ТОҶИКИСТОН
Душанбе, 3 июл. (АМИТ «Ховар», Наргис Бояхмедова).- Президенти Латвия Валдис Затлерс 11 июл барои боздиди 3 рӯза ба Тоҷикистон ташриф хоҳад овард. Аз дафтари матбуоти Вазорати корҳои хориҷии ҷумҳурӣ хабар доданд, ки ин сафари нахустини расмии сарони мамлакатҳои соҳили баҳри Балтика ба Тоҷикистон баъди мустақил гардидани он мебошад. Қайд карда шуд, ки президенти Латвия зимни сафар бо президенти Тоҷикистон Эмомалӣ Раҳмон мулоқот хоҳад кард. Сипас гуфтушуниди ҳайатҳои расмии ҳар ду кишвар гузаронида мешавад. Дар фарҷоми он силсилаи ҳуҷҷатҳо имзо карда мешаванд. Дар ҳайати намояндагони Латвия гурӯҳи калони соҳибкорон ба Тоҷикистон меоянд. Онҳо дар мулоқот бо ҳамкасбони тоҷики худ ширкат хоҳанд кард. Хабар дода мешавад, ки президенти Латвия инчунин ба шаҳрҳои Норак, Турсунзода ва Хуҷанд хоҳад рафт. Сафари мазкур барои Тоҷикистон аҳамияти калон дорад. Тоҷикистон мехоҳад барои содироти маҳсулоти худ аз бандарҳои Латвия истифода барад, гуфт роҳбари раёсати иттилооти ВКХ Давлат Назриев. Бояд гуфт, ки президенти Тоҷикистон Эмомалӣ Раҳмон аввали соли 2009 ба Латвия сафари расмӣ анҷом дода буд. Муносибатҳои дипломатии Тоҷикистону Латвия соли 1994 ба роҳ андохта шуда буданд. Аз 1 июни соли равон сар карда, ҳавопаймоҳои мусофирбари ширкати ҳавонавардии «Айр Балтик» аз Рига ба Душанбе парвоз менамоянд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
