БОЗДОШТИ БОЗ 120 КИЛО ГЕРОИН

                Душанбе, 27 август. (АМИТ «Ховар», Жасмин Назарова). – Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, аз ҷониби кормандони раёсати мубориза бар зидди муомилоти ғайриқонунии маводи нашъадори ВКД ҶТ, ҳангоми гузарондани чораҳои фаврӣ-ҷустуҷӯӣ дар назди нуқтаи таъмини сӯзишвории ноҳияи Спитамен 4 адад халтаи полиэтиленӣ маводи сахттаъсири героин, ки вазни умумиаш 92 кг 183 гр ва 26 адад халтаи полиэтиленӣ низ ба вазни умумии 30 кг 323 граммро, ки ба шаҳрванд Комил Сулаймонов, соли таваллудаш 1976, сокини ноҳияи Варзоб тааллуқ дошт, дарёфт ва мусодира карда шуд.                Инчунин аз ҷониби кормандони раёсати мубориза бар зидди муомилоти ғайриқонунии маводи нашъадори ВКД ҶТ, автомашинаи тамғаи «Таyоtа – RAF4» рақами давлатиаш ЕЕ 41 74 РТ 01, ки ба шаҳрванд Абдуҷаббор Амиршоев, соли таваллудаш 1957, тааллуқ дошт, дастгир карда шуд.               Ҳангоми аз назар гузарондани автомашинаи номбурда ба миқдори 13 кг 922 гр афён, 4 кг 198 гр гашиш, 1,3 гр героин, ки вазни умумиашон 18 кг 121 граммро ташкил медод, мусодира гардид. Маводи номбурда ба мусофири автомашинаи мазкур, сокини шаҳри Душанбе Далер Ҳабибови 27 сола мансуб буд. Нисбати ин ҳолатҳо парвандаи ҷиноӣ боз шуда тафтишот идома дорад.