ДОВАРОНИ ҚУВВАОЗМОИҲОИ ХОТИМАВИИ МУСОБИҚА ТАЪИН ГАРДИДАНД

                    Душанбе, 24 август. (АМИТ «Ховар», Пайрав Назаров). — Доварони асосии қувваозмоиҳои хотимавии мусобиқаи байналхалқӣ барои ба даст овардани Ҷоми раиси Конфедератсияи футболи Осиё таъин карда шуданд. Тавре хабар дода шуда буд, қувваозмоиҳои хотимавии мусобиқа аз 25 то 27 сентябр дар варзишгоҳи марказии шаҳри Турсунзода баргузор мегарданд.                  Мухбири АМИТ «Ховар» хабар медиҳад, ки Лим Вэйго аз Чин ва Руканта де Силва аз Шри — Ланка комиссарони ин қувваозмоиҳо таъин гардиданд, Пир Анпрасерт аз Таиланд инспектори гурӯҳҳои доварон таъин карда шуд.                 Дар қувваозмоиҳои ниманиҳоии мусобиқа дастаҳои «Регар — Тадаз» — и Тоҷикистон, дастаи «Вапда»- и Покистон, «Дурдой — Динамо» — и Қирғизистон ва «Ашқобод» — и Турманистон ширкат меварзанд.                  Дар ин қувваозмоиҳо Навоф Шукрулло аз Баҳрайн, Алиризо Фғаонӣ аз Эрон, Андрей Алҳаддод аз Лубнон, Владислав Сейтлинг аз Ӯзбекистон, Ёсир Тулафот аз Баҳрайн, Муртазо Каримӣ аз Эрон, Аҳмад Алқаввос аз Лубнон ва Рафаэл Илёсов аз Ӯзбекистон доварӣ хоҳанд кард.