ИДИ АСАЛ ВА САЙРИ ХАРБУЗА
Хуҷанд, 10 август. (АМИТ «Ховар», Санавбар Мақсудова ). — Бо ташаббуси мақомоти иҷроияи ҳокимияти давлатии вилояти Суғд, раёсати кишоварзӣ ва Иттиҳодияи занбӯрпарварони вилоят 8 август дар чорбоғи фарҳанги ба номи Камоли Хуҷандӣ иди асал ва сайри харбуза баргузор гардид. Дар он раиси вилоят Қоҳир Расулзода, раиси шаҳри Хуҷанд Содиқҷон Мирхолиқов, вазири кишоварзӣ Қосим Қосимов, муовини Сарвазири мамлакат Муродалӣ Алимардон ва намояндагони дастгоҳи иҷроияи Президенти ҷумҳурӣ иштирок намуданд. Ҳамон рӯз дар ин ҷо 35 тонна харбуза ва 40 тонна асал ба фурӯш гузошта шуд. Инчунин, иштирокчиёни ид истеҳсолкунандагони харбузаи беҳтарин ва асали беҳтаринро муайян карданд. Дар озмун сабзавоткорони ноҳияи Спитамен ғолиб омаданд. Унвони истеҳсолкунандаи асали беҳтарин насиби занбӯрпарварони шаҳри Хуҷанд, ноҳияҳои Шаҳристон, Мастчоҳ ва Ҷаббор Расулов гардид. Ба онҳо мукофотҳои хотиравӣ супорида шуданд. Мухбири АМИТ «Ховар» хабар медиҳад, ки сайри харбуза дар вилояти Суғд бори нӯҳум ва иди асал дар ин ҷо бори чорум гузаронида мешавад. Ҳамон рӯз инчунин дар маркази вилояти Хатлон натиҷаҳои озмуни занбӯрпарварони беҳтарин ҷамъбаст карда шуд. Дар он раиси вилояти Хатлон Ғайбулло Авзалов иштирок дошт. Вай зикр намуд, ки солҳои охир соҳаи занбӯрпарварӣ ва истеҳсоли асал дар қисмати ҷанубии Тоҷикистон босуръат густариш меёбад. Зимни ҷамъбасти натиҷаҳои озмун ҷои аввал ба занбӯрпарварони ноҳияи Данғара сазовор дониста шуд. Ҷои дуюмро занбӯрварони ноҳияи Ёвон ва ҷои сеюмро занбӯрварони ноҳияи Бохтар ишғол намуданд. Акнун ғолибони озмунҳои занбӯрварони вилоятҳои Суғду Хатлон 15 август дар озмуни ҷумҳуриявӣ иштирок хоҳанд кард.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
