КӮМАКИ 37 МАМЛАКАТ БА ТОҶИКИСТОН

                 Душанбе, 18 август. (АМИТ «Ховар», Покиза Маҳмадбекова).- Аз рӯи маълумоти Кумитаи давлатии омори Ҷумҳурии Тоҷикистон, аз аввали сол 37 давлати ҷаҳон ба Тоҷикистон ба маблағи зиёда аз 54,3 миллион долари ИМА, бештар аз 57,6 ҳазор тонна кӯмаки хайрия расидааст.                Дар 7 моҳи охир ба Тоҷикистон дар шакли кӯмаки башардӯстона 23,4 ҳазор тонна орд ба маблағи 10,4 миллион доллари ИМА, 2,4 ҳазор тонна равғани растанӣ ба маблағи 2,1 миллион доллари ИМА, инчунин доруворӣ ба маблағи 20,6 миллион доллари ИМА ворид гашт.               Дар байни давлатҳои мададгори Тоҷикистон ИМА мақоми аввалро ишғол менамояд, ки 35,4%-и кӯмаки умумии ба Тоҷикистон расонидашуда саҳми ИМА мебошад. Дар ин масъала ҷойҳои минбаъдаро Русия, Латвия ва Қазоқистон ишғол менамоянд.