КАШФИ ТУХМИИ ГАНДУМ ДАР ШӮРООБОД
Шӯрообод, 13 август. (АМИТ "Ховар", Сулаймон Холов).- Донишкадаи зироаткории Академияи илмҳои Тоҷикистон парвариши шаш навъи тухмии гандумро дар ноҳияи Шӯрообод тавсия дод. Фарҳод Қосимов, мудири шӯъбаи тухмипарварии Донишкадаи зироаткории Академияи илмҳои кишвар мегӯяд, чаҳор сол боз бо кӯмаки Бунёди Оғохон, як созмони мададрасон дар ин ноҳияи кӯҳистонӣ олимони соҳаи кишоварзӣ 21 навъи тухми гандумро мавриди омӯзиш қарор дода буданд. Ба қавли ӯ намудҳои тавсияшудаи гандум ба шароити кӯҳистон мувофиқ буда, деҳқонон метавонанд, аз кишти онҳо ҳосили хуб ба даст оранд. Намудҳои гандуми тавсияшуда, аз гандумҳое, ки то ба ин дам мардуми маҳал кишт мекарданд бо ҳосили зиёди худ фарқ доранд. Ҳосили ин навъҳои гандум ба қавли мутахассисон нисбат ба тухмиҳои қаблан киштшуда 40 фисад ҳосили бештар медиҳанд. Мусо Холов, масъули Бунёди Оғохон дар минтақаи Кӯлоб мегӯяд, кӯмаки онҳо дар самти зироаткорӣ барои беҳбудии кори деҳкон ва баланд бардоштани сатҳи зиндагии мардум равона шудааст. Абдухолиқ Сафаров, як сокини ноҳияи Шӯрообод мегӯяд, аз кишти таҷрибавии ин навъи тухмии гандумҳо ҳосили хуб ба даст овардаанд. Тавсияи кишти тухмии гандуми ба шароити маҳал мувофиқ дар Шӯрообод дар ҳолест, ки то ба ин дам деҳқонон 1 килограм гандуми тухмиро бо нархи чаҳор сомонӣ аз хориҷӣ кишвар харидорӣ менамуданд. Дар ҳоле, ки як килограм гандум дар Тоҷикистон то як сомонӣ нарх дорад. Шароити ноҳияи Шӯрообод дар ҷануби Тоҷикистон барои зироаткорӣ ва боғдорӣ мувофиқ аст. Дар ин ноҳияи кӯҳистонӣ беш аз даҳ ҳазор гектар замин, гандум ва дигар навъи зироатҳои ғалладонагӣ кишт мешавад.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
