КИТОБИ НАВ ДАР БОРАИ МИРАЛӢ МАҲМАДАЛИЕВ

                Қӯрғонтеппа, 17 август. (АМИТ «Ховар», Мурод Сотиев).- Китоби нави нависанда Мирзо Фирӯз дар бораи қаҳрамони меҳнати сотсиалистӣ, раиси собиқи колхози ба номи Ленини ноҳияи Восеъ Миралӣ Маҳмадалиев ба чоп расид. Мудири шӯъбаи иттилоотию таҳлилии дастгоҳи раиси вилояти Хатлон Саидқул Шомалангов зикр намуд, ки китоб «Раис Миралӣ» ном дошта, дар бораи ҳаёт ва фаъолияти М. Маҳмадалиев нақл мекунад. М. Маҳмадалиев солҳои тӯлонӣ раиси яке аз хоҷагиҳои калонтарини вилояти Хатлон буд.               С. Шомалангов афзуд, ки китоб бо дастгирии раиси вилояти Хатлон Ғайбулло Авзалов бо теъдоди 500 нусха чоп шуд. Барои чопи он 6 ҳазор сомонӣ сарф гардид.