КОРҲОИ СОХТМОНӢ ДАР ФАРХОР

                   Мӯъминобод, 10 август. (АМИТ «Ховар», Сулаймон Холов).- Дар ноҳияи Фархор корҳои сохтмонӣ вусъат ёфта дар шаш моҳи соли ҷорӣ аз ҳисоби ҳамаи манбаҳои сармоягузорӣ ба маблағи 7510 ҳазор сомонӣ корҳои асосӣ иҷро карда шуд, ки нисбати ҳамин давраи соли сипаригардида 4,4 баробар зиёд мебошад. Мавриди зикр аст, ки корҳои пудратии иҷрошуда 2308,5 ҳазор сомониро дар бар гирифта, аксари иншоотҳои ба нақшагирифта ба итмом расидаанд. Дар ноҳия аз ҳисоби маблағҳои мутамарказ сохтмони маркази саломатӣ дар деҳаи Туғул, мактаб барои 1176 нафар хонанда дар деҳаи Деҳқонобод, сохтмони дармонгоҳ барои 50 ҷой дар арафаи анҷомёбианд. Гуфта мешавад, ки айни ҳол сохмтони 16 иншоотҳои хурду калон дар ноҳия идома дорад.