МЛТ МИНБАЪД «ШАБАКАҲОИ МУТАҲАРРИКИ ТОҶИКИСТОН» МЕШАВАД

                  Душанбе, 18 август. (АМИТ «Ховар», Лаззат Диловарзод).- Ширкати машҳури «ТТ — Мобайл» эълон кардааст, ки барои тағйири рамзи тиҷоратии «МЛТ — яш» ба «Мегафон — Тоҷикистон» ва номи расмиаш ба «Шабакаҳои мутаҳаррики Тоҷикистон» омодагӣ мегирад.                  Ба гуфти директори генералии ширкати «ТТ — Мобайл» Гулаҳмад Қаюмов, мақсад аз тағйири рамзи тиҷоратӣ пеш аз ҳама зиёд намудани даромаднокии ширкат мебошад.-Вақте сатҳи даромадҳои ширкат афзуд, сатҳи андозсупорӣ низ меафзояд. Андоз бошад, ин пеш аз ҳама, нафақаву идрорпулӣ ва маош барои кормандони соҳаи буҷавӣ мебошад, — мегӯяд директори ширкат Гулаҳмад Қаюмов.                  Ба гуфти ҳамин манбаъ, ин амал аҳамияти махсуси ҷамъиятӣ ва иҷтимоӣ низ дорад.