МУҲОКИМАИ ПРОБЛЕМАҲОИ ПЕШГИРӢ ВА ТАБОБАТИ БЕМОРИҲОИ СПИД ВА СИЛ

                    Душанбе, 28 август. (АМИТ «Ховар», Наталя Михайлова). — Аз 24 то 26 августи соли равон дар осоишгоҳи Оқмарали шаҳри Иссиқкӯли Ҷумҳурии Қирғизистон конфронси нахустини илмии духтурони Осиёи Марказӣ дар мавзӯи «Роҳу усулҳои пешгирӣ ва табобати бемориҳои ВИЧ/СПИД ва сил» баргузор гардид. Ташкилкунандагони конфронс созмони ғайриҳукуматии башардӯстонаи Голландия, муассисаи пешгирии бемориҳои хавфноки СММ ва раёсати минтақавии назорати маводи нашъадор ва ҷинояти СММ дар Осиёи Марказӣ мебошанд.                    Дар конфронс намояндагони вазорату идораҳои дахлдор ва муассисаҳои тиббии ҳамаи ҷумҳуриҳои Осиёи Марказӣ, созмонҳои байналхалқию ғайриҳукуматӣ ва олимон ширкат варзиданд.                    Мухбири АМИТ «Ховар» хабар медиҳад, ки дар конфронси мазкур намояндаи Агентии назорати маводи нашъадори назди Президенти Ҷумҳурии Тоҷикистон ширкат варзид. Тарҷумон — Қудратов А.