НОМАИ ВАЛДИС ЗАТЛЕРС БА ҚОҲИР РАСУЛЗОДА

                     Хуҷанд, 11 август. (АМИТ «Ховар», Бекназари Абубакр). — Президенти Ҷумҳурии Латвия Валдис Затлерс бо ирсоли як нома ба унвони Раиси вилояти Суғд Қоҳир Расулзода ба мардуми меҳмондӯсти Суғд барои қабули ҳайати ин ҷумҳурӣ, ки санаи 12-июл меҳмони суғдиён буданд, миннатдории бепоёни худро изҳор доштааст.                      Дар ин нома аз ҷумла омадааст, ки аз боздиди литсейи Президентӣ дар шаҳри Чкаловск, осорхонаи кишваршиносӣ, масҷиди ҷомеи Шайх Маслиҳатдин ва шиносоӣ бо фаъолияти бозори «Панҷшанбе»-и маркази вилоят дар хотироти Валдис Затлер таассуроти нек боқӣ гузоштаанд.                    Валдис Затлерс менависад: «бовар дорам, ки сафари ҳайати кории Ҷумҳурии Латвия ба вилояти Суғд барои рушди ҳамкории минбаъдаи ҷонибҳо мусоидат хоҳад намуд».                    Ёдрас мешавем, ки дар ҷараёни нахустин сафари давлатиаш ба Ҷумҳурии Тоҷикистон, санаи 12-июли соли ҷорӣ Президенти Ҷумҳурии Латвия Валдис Затлерс ба вилояти Суғд ташриф оварда буд.