ОҚИЛ ОҚИЛОВ БО ҶАРАЁНИ СОХТМОНИ НБО РОҒУН ШИНОС ШУД

              Душанбе, 14 август. (АМИТ «Ховар», Наргис Бояхмедова ). — Сарвазири Ҷумҳурии Тоҷикистон Оқил Оқилов имрӯз, 14 август ба шаҳри Роғун рафта, бо ҷараёни сохтмони Нерӯгоҳи барқи обии «Роғун» шинос гардид.              Мухбири АМИТ «Ховар» хабар медиҳад, ки айни ҳол дар маҳалли сохтмони нерӯгоҳ ба бастани маҷрои дарёи Вахш тайёрӣ дида мешавад. Тибқи нақша маҷрои дарёи Вахш бояд охири соли равон баста шавад. Ҳоло дар сохтмони нерӯгоҳ 6000 нафар кор мекунад.              Оқил Оқилов баъди шиносоӣ бо ҷараёни сохтмони нерӯгоҳ маҷлиси ситоди кории онро гузаронд. Дар маҷлис роҳбарону намояндагони вазорату идораҳо ва ширкатҳои сохтмонии мамлакат иштирок доштанд. Сарвазир дар бобати хушсифат ва сари вақт анҷом додани корҳои сохтмонӣ дар мӯҳлати муқарраршуда дастуру супоришҳои мушаххас дод. Тарҷумон — Қудратов А.