ОМӮЗИШИ КАДРҲО ДАР БАДАХШОН
Бадахшон, 21 август. (АМИТ «Ховар», Л. Додо).- Дар шаҳри Хоруғ курсҳои кӯтоҳмуддати омӯзишӣ барои кормандони ҷамоатҳои деҳоти навоҳии вилоят, хадамоти кадрии Раёсати хизмати давлатӣ ва кумитаҳои вилоятӣ оғоз ёфт. Сардори шӯъбаи Раёсати хизмати давлатии назди Президенти Ҷумҳурӣ дар ВМКБ Садбарг Холиқназарова иттилоъ дод, ки тибқи нақшаи кори Донишкадаи такмили ихтисоси хизматчиёни давлатии назди Президенти ҷумҳурӣ аз 18-уми август семинар шурӯъ шуда, рӯзи 23-юм анҷом меёбад. Мавзӯъҳое, ки мавриди баррасӣ қарор мегиранд, барои ҳар як корманди мақомоти маҳаллӣ хеле зарур ва муҳим мебошанд. Имрӯз дар назди хонандагони курсҳо директори маркази тадқиқоти идораи давлатӣ ва хизмати давлатӣ Искандаров Қ. дар мавзӯъҳои «Самтҳои асосии сиёсати дохилӣ ва хориҷии Ҷумҳурии Тоҷикистон дар партави паёми Президенти ҶТ ба Маҷлиси Олии Ҷумҳурии Тоҷикистон», «Зиндагинома ва афкори давлатию ҳуқуқии Имоми Аъзам» маърӯза кард ва ба суолҳои иштирокдорони семинар посух дод. Ҳамчунин мудири кафедраи захираҳои инсонии Донишкадаи такмили ихтисоси хизматчиёни давлатии ҷумҳурӣ Гавҳар Шарофова оид ба аттестатсия, озмуну омилҳои асосии интихоб ва ҷобаҷогузории кадрҳо ва устоди Донишкада Ҳалима Давлатшоева дар бораи ҳуҷҷатҳои ҳайати шахсӣ, баҳисобгирӣ ва кор бо кадрҳо дар мақомоти худидораи маҳаллӣ суханронӣ карданд. Баъди анҷоми семинар ба хонандагони курсҳо шаҳодатномаҳо тақдим карда мешаванд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
