ПӯЛОД ТОЛИС 80-СОЛА ШУД

                   Душанбе, 24 август. (АМИТ «Ховар», Лутфия Эшонкулова).- Имрӯз, 24 август нависандаи машҳури тоҷик Пӯлод Толис 80-сола мешавад. Бахшида ба ин сана моҳи октябр дар зодгоҳи ӯ шаҳри Хуҷанд чорабинии калони фарҳангӣ баргузор хоҳад гардид. Муовини аввали Иттифоқи нависандагони Тоҷикистон Абдулҳамид Самадов ба мухбири АМИТ «Ховар» хабар дод, ки дар Душанбе низ гузаронидани шаби эчодӣ, бахшида ба ҳаёт ва фаъолияти Пӯлод Толис дар назар аст.                   Пӯлод Толис муаллифи як қатор китобҳо аз қабили «Чароғҳо», «Дар», «Тобистон» мебошад, ки ба забонҳои гуногун тарҷума шудаанд. Ҳамчунин худи нависанда тарҷумони боистеъдод ба ҳисоб рафта, повестҳо ва ҳикояҳои Горкий, Толстой, Чехов ва Герсенро аз русӣ ба тоҷикӣ тарҷума кардааст. Очерки ӯ «Имтиҳони аввалин» яке аз очеркҳое мебошад, ки дар адабиёти тоҷик ба марҳаллаи нави вокеанигорй асос гузоштааст.                   Пӯлод Толис моҳи сентябри соли 1961 дар синни 32-солагӣ аз олам гузаштааст.