РӮЙХАТИ НАВИ БОКСЧИЁНИ МАШҲУР

               Душанбе, 27 август. (АМИТ «Ховар», Пайрав Назаров). – Федератсияи байналхалқии боксчиёни ҳаваскор дар арафаи Мусобиқоти қаҳрамонии ҷаҳонии бокс, ки аз 1 то 12 сентябр дар Милан баргузор мегардад, рӯйхати нави боксчиёни зӯртарини ҳаваскор ва умедбахшро тартиб дод. Дар он боксчиёни беҳтарини ҷаҳон аз рӯи 11 гурӯҳи вазн нишон дода шудаанд.                Дар рӯйхати мазкур ду нафар боксчии тоҷик Анвар Юнусов бо вазни 54 кг ва Ҷаҳон Қурбонов бо вазни 91 кг дар байни 10 нафар боксчии беҳтарин ҷой гирифтанд. Ҷаҳон Қурбонов бо 975 хол дар ҷои 9 –уми рӯйхат ва Алишер Юнусов бо 1050 хол дар ҷои 9 уми рӯйхат қарор доранд.                 Мухбири АМИТ «Ховар» хабар медиҳад, ки дар рӯйхати мазкур боксчиёни Куба мақоми аввалро ишғол менамоянд.                 Дар мусобиқоти қаҳрамонии ҷаҳонии бокс дар Италия варзишгарони тоҷик Ораз Афзалшоев, Анвар Юнусов, Баҳодур Каримов, Мадад Нарзибеков, Умар Мақсудов, Ҷаҳонгир Убайдуллоев, Ҷасур Қурбонов ва Ҷаҳон Қурбонов ширкат меварзанд.