РӮЙХАТИ ШАҲРҲОИ ВАЗЪИЯТАШОН БЕСУБОТ

                    Вашингтон, 17.08.09. (АМИТ «Ховар» — Полит. Ру). — Маҷаллаи бонуфузи амрикоӣ «Шаҳрҳои ҷаҳон» рӯйхати нави мамлакатҳои вазъияташон бесубот ва муташанниҷро чоп намуд, ки 177 мамлакати ҷаҳонро дар бар мегирад.                     Ҷойҳои аввалро дар рӯйхати мазкур Сомали, Зимбабве ва Судон ишғол менамоянд. Дар байни мамлакатҳои ИДМ Ҷумҳурии Ӯзбекистон «пешсаф» аст. Дар маҷалла гуфта мешавад, ки дар ин мамлакат ҳуқуқи инсон мисли пештара поймол карда мешавад. Ӯзбекистон огоҳии созмонҳои байналхалқиро дар бобати эҳтироми ҳуқуқи инсон ба инобат намегирад. Тоҷикистон ва Қирғизистон дар рӯйхат мувофиқан ҷойҳои 37 ва 41 — ро ишғол менамоянд. Молдавия дар ҷои 54, Озарбойҷон дар ҷои 56, Туркманистон дар ҷои 59, Арманистон дар ҷои 101 ва Туркия дар ҷои 85 — ум қарор доранд. Дар рӯйхат Гурҷистон ба гурӯҳи мамлакатҳое дохил карда шудааст, ки солҳои гузашта бо маблағи хеле калон аслиҳа харидаанд. Гуфта мешавад, ки Гурҷистон дар давоми солҳои 2006 — 2007 ба маблағи 427 миллион доллари ИМА аслиҳа харидааст.                     Мухбири АМИТ «Ховар» хабар медиҳад, ки рӯйхати мазкур дар асоси таҳлили вазъияти мамлакатҳои ҷаҳон аз рӯи 12 нишондиҳандаи асосӣ тартиб дода мешавад. Тарҷумон — Қудратов А.