САРШУМОРИ ҚУТОС ЯКУНИМ БАРОБАР АФЗУД

                   Бадахшон, 14 август. (АМИТ «Ховар», Л. Додо).- Қутоспаварӣ дар ВМКБ ба хусус дар ноҳияи Мурғоб, яке аз соҳаҳои сердаромадтарин маҳсуб аст. Аз ин лиҳоз дар даврони Истиқлолият ба рушди ин соҳа эътибори ҷиддӣ медиҳанд. Имрӯз шумораи қутос дар вилоят ба 21 ҳазор сар расидааст, ки 18 ҳазораш ба ноҳияи Мурғоб рост меояд. Ин нисбат ба даврони қабл аз Истиқлолият беш аз якуним баробар зиёд аст.  Чунончӣ, солҳои 80-уми асри гузашта дар саросари вилоят ҳамагӣ 14 ҳазор сар қутос парвариш карда мешуду халос. Имрӯз соҳибкорони зиёде ба парвариши қутос машғуланд. Тавре аз Раёсати кишоварзии вилоят иттилоъ доданд, дар ноҳияи Мурғоб дар ҳолати обёрии чарогоҳҳои алоҳида то 30 ҳазор сар қутосро парвариш кардан мумкин аст.