ШАҲРДОРӢ ШАҲРИЁНРО ТАРЗИ ЗИНДАГӢ МЕОМӮЗАД

                        Душанбе, 17 август. (АМИТ «Ховар», Лаззат Диловарзод).- Шаҳрдорӣ барои зиндагӣ дар шаҳр барои мардуми ботамаддун ва маданӣ маҷмӯи қоидаҳоро роҳандозӣ мекунад.                       Дар маҷмӯи қоидаҳое, ки шаҳрдорӣ барои сокинони шаҳр қабул кардааст, истифодаи тандур пурра манъ аст. Ҳамчунин шапонидани қолин, матрас, кӯрпа, сару либос ва дигар ашёҳо дар ҳавлии хонаҳои истиқоматӣ қатъан роҳ дода намешавад. Дар маҷмӯи қоидаҳо ҳамчунин часпонидани эълону реклом дар девори хонаҳо, истгоҳи нақлиёт, дар сутунҳои такягоҳӣ, деворҳои тахтагин ва майдончаи бозии бачагон мамнӯъ аст. Дар мачмӯи қоидаҳое, ки барои сокинони шаҳр қабул гардидааст, ҳамчунин оташ задании хазонреза, хасрӯба дар кӯча, боғ, гулгашт, майдонҳои сайру гашт, майдони ҳавлиҳои истиқоматӣ бо пуррагӣ катъ гардонида шудааст.                      Шаҳрвандоне, ки талаботи ин қоидаҳоро вайрон мекунанд, дар асоси Кодекси қоидавайронкунии маъмурӣ ба ҷавобгарӣ кашида мешаванд.