«СОМОН ЭЙР» БА СИСТЕМАИ ҲИСОБУ КИТОБ ВА ФУРӮШИ ЧИПТАҲОИ ОЛМОН ҲАМРО
Душанбе, 13 август. (АМИТ «Ховар», Лутфия Эшонқулова). — Ширкати ҳавопаймоии «Сомон Эйр» дар Тоҷикистон аввалин шуда, ба системаи ҳисобу китоби байниҳамдигарии ширкатҳои ҳавоии мамлакатҳои ҷаҳон дар бобати фурӯши чиптаҳо ҳамроҳ гардид. Системаи мазкур бо мақсади хеле осонтар гардондани ҷараёни ба расмият даровардани чиптаҳои хавопаймо, тайёр кардани ҳисобот дар бораи фурӯши чиптаҳо ва баробар кардани ҳисобу китоб дар байни ширкатҳои ҳавоӣ барои хизматҳои расондашуда ташкил карда шудааст. Ин иқдом имкон медиҳад, ки доираи ҳамлу нақли бору мусофирон дар ширкати «Сомон Эйр» зиёд карда шавад. Ширкат ба системаи мазкур 6 августи соли 2009 ҳамроҳ шуд. Ҳамин тариқ, Тоҷикистон дар байни мамлакатҳои Осиёи Марказӣ баъди Ӯзбекистону Қазоқистон сеюмин мамлакат ва дар байни мамлакатҳои ИДМ 9 — умин мамлакатест, ки ба системаи махсуси ҳисобу китоб ва фурӯши чиптаҳои Олмон ҳамроҳ гардидаанд. Системаи мазкур соли 1971 дар Ҷопон ба роҳ монда шуда буд. Ҳоло онро 160 мамлакати ҷаҳон ва 400 ширкати ҳавонавардӣ истифода мебаранд. Дар миқёси ҷаҳон 80 фоизи чиптаҳои ҳавопаймо мувофиқи системаи мазкур фурӯхта мешаванд. Истифодаи он ба ширкатҳои ҳавонавардӣ имкон медиҳад, ки хароҷоти маъмурӣ кам карда, ҳисобот сари вақт тартиб дода, ҷараёни фурӯши чиптаҳо таҳти назорат гирифта, баҳсу мунозираҳо дар муддати кӯтоҳ бартараф карда шаванд. Инчунин, системаи мазкур имкон медиҳад, ки чиптаи ҳавопаймоҳо дар муддати кӯтоҳ тайёр карда ва фурӯхта шаванд. Мухбири АМИТ «Ховар» хабар медиҳад, ки ҳавопаймои нахустини ширкати «Сомон Эйр» 29 июли соли равон аз шаҳри Душанбе ба шаҳри Франкфурти лаби Майни Олмон парвоз карда буд. Тарҷумон — Қудратов А.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
