ТАЪЛИМ СОЛ ТО СОЛ ДАР МАКТАБ БЕҲТАР МЕГАРДАД

                        Душанбе, 14 август.( АМИТ «Ховар», лаззат Диловарзод).- дар шӯбаи маорифи ноҳияи Рӯдакӣ ба мухбири АМИТ «Ховар» иттилоъ доданд, ки дар соли таҳсили 2008 — 2009 хонандагони мактабҳои ноҳия дар асоси чорабиниҳои Вазорати маориф ва кормандони соҳаи таълими ноҳия дар даврҳои ноҳиявӣ, минтақавӣ ва ҷумҳуриявии олимпиадаи хонандагон хеле фаъолона ширкат варзиданд. Бахусус иштироки хонандагони мактабҳои рақами 1, 15, 16, 67, мактаб — парваришгоҳи солимгардонӣ, гимназияи тоҷикӣ — русӣ, гимназия барои бачагони лаёқатманд ва гимназияи ба номи Расул ҷойҳои намоёнро ишғол намуданд. Аз 38 нафар хонандагони дар даври минтакавии олимпиада иштирок карда, 32 нафар ба даври минтақавии ноҳияҳои тобеи марказ роҳхат гирифтанд. 26 нафари онҳо сазовори ҷойҳои 1, 2, 3, -юм гардиданд. Ниҳоят ба даври ҷумҳуриявии олимпиада, ки танҳо синфҳо 11 -ум иштирок намуданд, 6 нафар хонандагони ноҳия иштирок намуданд.                       Масъалаи дар соли хониши 2009 — 2010 боз ҳам беҳтар гардонидани иштироки хонандагон дар олимпиадаи ҷумҳуриявӣ дар машварати августии муаллимон мавриди баррасӣ қарор дода мешавад,- иброз доштанд дар шӯъбаи маориф.