ҒАЛАБАИ ФУТБОЛБОЗОНИ «РЕГАР – ТАДАЗ»

                Душанбе, 28 сентябр. (АМИТ «Ховар», Пайрав Назаров). – Дар шаҳри Турсунзода мусобиқаи байналхалқии футбол барои ба даст овардани Ҷоми раиси Конфедератсияи футболи Осиё анҷом ёфт. Дирӯз, 27 сентябр, дар қувваозмоии ниҳоии мусобиқа дастаҳои футболи «Регар – Тадаз» — и Тоҷикистон ва «Дуродой – Динамо» — и Қирғизистон иштирок намуданд.                 Дастаи «Регар – Тадаз» дастаи футболи «Дурдой – Динамо» — ро бо ҳисоби 2:0 мағлуб намуд. Бо ҳамин ҷоизаи мусобиқа – Ҷоми раиси Конфедератсияи футболи Осиё ба таври ҳамешагӣ дар Тоҷикистон монд.                Мухбири АМИТ «Ховар» хабар медиҳад, ки «Регар – Тадаз» дар ин мусобиқаи бонуфуз бори сеюм ғалаба ба даст овард. Дар натиҷа ба дастаи мазкур ба маблағи 50 ҳазор доллари ИМА мукофот дода мешавад. Дастаи «Дурдой – Динамо», ки ҷои дуюмро ишғол намуд, соҳиби 25 ҳазор доллари ИМА хоҳад гашт.