ҲАВОНАВАРДИИ МУЛКИИ ТОҶИКИСТОН 85 – СОЛА ШУД
Душанбе, 3 сентябр. (АМИТ «Ховар», Кристина Эрлих). — Имрӯз дар Тоҷикистон иди касбии кормандони соҳаи ҳавонавардии мулкӣ — рӯзи авиатсияи мамлакат ҷашн гирифта мешавад. Ба ин муносибат дар ширкати воҳиди давлатии «Тоҷик Эйр» маҷлиси ботантана баргузор мегардад. Дар он вазири нақлиёт ва коммуникатсия Абдураҳим Ашӯров, намояндагони ҳукумат, ширкатҳои хориҷӣ ва собиқадорони соҳа иштирок менамоянд. Ба коргарони беҳтарин ва собиқадорон тӯҳфаҳои хотиравӣ супорида мешавад. Фаъолияти соҳаи ҳавонавардии мулкии Ҷумҳурии Тоҷикистон аз 3 сентябри соли 1924 оғоз меёбад. Ҳамон рӯз аз Бухоро ба Душанбе нахустин ҳавопаймои мусофирбари «Юнкерс» таҳти роҳбарии ҳавопаймои нахустини тоҷик Рашидбек Охриев ва ҳавонаварди рус Пётр Комаров парвоз карда буд. Бояд гуфт, ки ҳавопаймои нахустин ба пойтахти Тоҷикистони навбунёд ду сол пеш аз автомобили боркаш ва панҷ сол пеш аз қатори роҳи оҳан парвоз кардааст. Соли 1930 дар Душанбе майдони ҳавоӣ сохта шуд. Баъди як сол дар ноҳияҳои Кӯлоб, Ғарм, Панҷ, Данғара ва ғайра фурудгоҳҳо бунёд карда шуданд. Солҳои ҳокимияти шӯравӣ соҳаи ҳавонавардии мулкии Тоҷикистон босуръат тараққи карда буд. Ҳамон солҳо аз пойтахти мамлакат ба ноҳияҳои дурдасти баландқуҳ – Ванҷ, Рӯшон, Шуғнон, Бартанг, Яғноб ва ғайра ҳавопаймоҳо парвоз мекарданд. Имрӯз ҳам ҳаёти мардуми мамлакатро бе соҳаи ҳавонавардии мулкӣ тасаввур кардан маҳол аст. Нақши ин соҳа дар пешрафти иқтисодиёти мамлакат хеле калон мебошад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
