ҶАМЪБАСТИ ОЗМУН

                 Душанбе, 26 сентябр. (АМИТ «Ховар», Людмила Дубинина). – 24 сентябр дар шаҳри Душанбе озмуни 7 – уми журналистони мамлакатҳои Осиёи Марказӣ анҷом ёфт, ки дар соҳаи экология хабару мақола менависанд. Ҳайати доварон таҳти роҳбарии омӯзгори шӯъбаи журналистикаи Донишгоҳи славянии Тоҷикистону Русия Шаҳодат Соҳибназарова 70 асари ба озмун пешниҳодшударо мавриди баррасӣ қарор дод. Ҷойҳои аввал дар бахшҳои гуногун ба мақолаҳои зерин сазовор дониста шуданд:               — Дар бахши «Матбуот» — очерки мухбири ҳафтаномаи «Вечерний Душанбе» Галина Дзутсева «Барои ҳифзи чинорҳо садо баланд кунед»;               — Дар бахши «Видеофилм» филми видеоии Мамадвафо Мамадлоиқов «Боғҳои муаллақи Помир» ;               — Дар бахши «Барномаҳои алоҳида» ҷои аввал ба журналист Хайрулло Мирсаидов муносиб дониста шуд;               — Дар бахши «Мақолаи интернетӣ» журналисти мустақил Валентина Қосимбекова барои мақолаи «Коркарди партовҳои радиоактивӣ».                Илова бар ин, дар бахши «Асарҳои нахустин» мукофоти ҳавасмандкунӣ ба журналист Ҷамшед Каримов дода шуд.                  Озмуни навбатии 8 – уми журналистони Осиёи Марказӣ, ки дар соҳаи экология хабару мақола менависанд, дар шаҳри Тошканд баргузор мегардад.