БОНКИ ДАВЛАТИИ РУШДИ ЧИН БО БОНКҲОИ ТОҶИКИСТОН ҲАМКОРӢ МЕКУНАД
Душанбе, 7 сентябр. (АМИТ «Ховар», Покиза Маҳмадбекова).- 6 сентябр гурӯҳи намояндагони Бонки давлатии рушди Чин дар ҳайати 11 нафар ба Душанбе омаданд. Онҳо барои гуфтушунид бо Бонки миллии Тоҷикистон, Амонатбонк ва бонкҳои дигари ҷумҳурӣ ташриф меранд. Аз дафтари матбуоти бонки давлатии Тоҷикистон «Амонатбонк» ба АМИТ «Ховар» хабар доданд, ки намояндагони бонки Чин дар семинари «Пешгирии оқибатҳои бӯҳрони ҷаҳонии молиявӣ ва ҳамкории муассисаҳои байналхалқии молиявӣ», ки имрӯз дар Душанбе оғоз меёбад, ширкат хоҳанд кард. Дар рафти сафар ҳайати Бонки давлатии рушди Чин ба НБО Норак ва корхонаи «Ширкати алюминии тоҷик» сафар хоҳанд кард. Ёдовар мешавем, ки БДРЧ бо муассисаҳои молиявии Тоҷикистон аз соли 2005 ҳамкорӣ мекунад. БДРЧ ягона бонки чинӣ мебошад, ки кормандони он дар шаҳри Душанбе фаъолият доранд. Бонки мазкур барои иҷрои 7 барнома дар Тоҷикистон, аз ҷумла барои фаъолияти муассисаҳои алоқаи телефонии мобилӣ, кишоварзӣ ва рушди тиҷорати хурду миёна беш аз 120 миллион доллари ИМА ҷудо кардааст. Инчунин бонк барномаҳои барои сохтори сохтмони роҳҳои оҳан, НБО ва саноати куҳӣ дар Тоҷикистон сармоягузорӣ мекунад. Сафари меҳмонони Чин 10 сентябр ба охир мерасад.
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
