ЧАРХБОЛИ ВАЗИРИ ВИЛОЯТИ АНДХРА — ПРАДЕШ ГУМ ШУД

                 Деҳлӣ, 3 сентябр. (АМИТ «Ховар» — Лента.ру). — Дирӯз дар вилояти Андхра – Прадеши Ҳиндустон чархболи вазиркалони вилоят Раҷашекхар Реди зимни парвоз аз болои ҷангалзори анбӯҳ гум шуд. Чархбол аз майдони ҳавоии Бегумпет дар шароити ҳавои абролуд ва барқу жола парвоз карда буд. Дар чархбол ғайр аз вазиркалони вилоят боз 5 нафари дигар буданд.                 Алоқаи телефонӣ бо чархбол баъди ним соати парвози он қатъ гардид.                  Айни ҳол 7 чархбол, ҳавопаймоҳои низомӣ, қисмҳои ҳарбӣ ва қабилаҳои маҳаллӣ ба ҷустуҷӯӣ чархбол сафарбар карда шуданд.                 Бояд гуфт, ки маҳалли эҳтимолии сарнагун гардидани чархбол ҷангалзори анбӯҳ буда, дар он қабилаҳои исёнгари нимаваҳшӣ зиндагӣ мекунанд. Инчунин дар ҷангалзори мазкур саршумори бабру палангҳо хеле зиёд аст.